AstroN
 
ASTRO-MITOLOGJI
AstroN  
  Mirë se vini në ASTRO-MITOLOGJI
  Fakulteti i Studimeve Astrologjike
  Horoskopi në vargje
  Aforizma astrologjike
  ASTROLOGJIA
  HISTORIA E ASTROLOGJISË
  E ëma dhe e bija
  NDARJA E ZODIAKUT
  12 SHENJAT ZODIAKALE
  HOROSKOPI
  HARTA QIELLORE E LINDJES
  ASHENDENTI – SHENJA NË NGRITJE
  Bukuria fizike
  SHTËPITË ZODIAKALE
  FAZAT E HËNËS
  Dielli në astrologji dhe astronomi
  NDIKIMI I PLANETËVE
  Efemeridet dhe Retrogradët
  ASPEKTET PLANETARE
  Parashikimi i vitit 2019 sipas Jupiterit
  ASTRO-EROTIKA
  SINASTRIA
  VENUSI - AFRODITA
  Divorci dhe Tradhëtia
  TRANZITET PLANETARE
  => Tranzitet e Diellit
  => Tranzitet e Hënës
  => Tranzitet e Merkurit
  => Tranzitet e Venusit
  => Tranzitet e Marsit
  => Tranzitet e Jupiterit
  => Tranzitet e Saturnit
  => Tranzitet e Uranit
  => Tranzitet e Neptunit
  => Tranzitet e Plutonit
  REVOLUCIONI DIELLOR
  Mespikat
  ASTRO-MJEKËSIA
  Vdekja dhe aksidentet
  ASTROLOGJI TË TJERA
  ASTROLOGJIA INDIANE
  HOROSKOPI KINEZ
  ASTROLOGËT DHE KONTRIBUESIT
  Fjalor astrologjik
  KALENDARI
  Kalendari Pagan Helen
  DITËT E JAVËS
  Llogaritja e orës
  Festat pagane
  ASTRO-MITOLOGJI
  Apolloni - hyjnia e Diellit
  MITOLOGJIA GREKE
  ZEUSI - Mbreti i perëndive
  Mitologjia ilire
  Kokino - Observatori ilir
  Brigët dhe Frigjia
  PERËNDESHAT MITOLOGJIKE
  Kurorat me gjethe
  Trëndafili dhe lulet
  Ulliri në kulturën e lashtë greke
  Simbolizmi i kalit
  Shqiponja dhe përkrenarja e Skëndërbeut
  Sirenat
  TEMPUJ DHE FALTORE
  Delfi - Orakulli më i famshëm
  Parimet Delfike
  Orfeu
  KUPTIMI I EMRAVE
  KULTI I DIELLIT
  Dita e Verës - festa e Diellit
  Syri që sheh gjithçka
  ASTRO-TEOLOGJIA
  Fjala "Amen"
  Shpirti
  NUMEROLOGJIA
  METODA TË NDRYSHME PARASHIKIMI
  Orakulli kinez
  Leximi i dorës - Kiromancia
  Domethënia e lemzës dhe oreve fikse
  Zaret e dashurisë
  Domethënia e ngjyrave
  Tipi i mashkullit që ju pëlqen
  GJUMI DHE ËNDRRAT
  KARRIERA DHE PROFESIONI
  Vendet dhe Udhëtimet
  HISTORI ANTIKE
  Shkrimet e para
  Libra astrologjikë
  HISTORI GJUHE
  Më kontaktoni
  Fito para online
  Luledielli
AstroN
Tranzitet e Plutonit

Tranzitet e Plutonit në aspekt me planetët e lindjes

Kohëzgjatja e tranzitit me planetët e tjerë: 105 ditë
Domethënia e interpretimit: 10/10

Tranzitet e Plutonit nuk janë lehtësisht të interpretueshme; efektet e tyre, si ato të planetit Neptun, janë të thella, të ngadalta dhe të vështira për t’u dalluar në fillim. Plutoni duket se, në çdo rast, ka një ndikim me prirje transformuese dhe mund të prekë rrënjët më të thella të jetës sonë.

Pluton-Ashendent
Aspekti “përkrah” është ai më i rëndësishmi sepse e transformon dhe e rigjeneron krejtësisht personin në fjalë. Pasione të mëdha. Në një farë mase, kjo vlen edhe për aspektet harmonike. Aspektet negative mund të shkatërrojnë trazira të vështira për t’u kontrolluar, ose bllokojnë krejtësisht një situatë. Prirje për të shkatërruar vetveten.

Pluton-Mesqiellor
Prek pozicionin social apo profesional. Aspektet pozitive mund të nxisin kthesa të plota në mënyrë pozitive në veprimtaritë e punës së individit dhe ta çojnë atë drejt një prestigji të madh social. Të njëjtën gjë thotë edhe aspekti “përkrah”, nëse mbështetet nga element të tjerë pozitivë. Sukses dhe arritje e një emancipimi të madh. Ndonjëherë tregon martesë të shkëlqyer. Aspektet negative tregojnë rënie shkatërruese e pushtetit. Skandale.

Pluton-Diell
Aspektet harmonike dhe ai “përkrah” nxisin një ndryshim të personalitetit. Në rastin e aspekteve pozitive, individi përmirëson, maturohet dhe përforcohet, por edhe mund të bëhet megaloman. Në rast kur ka aspekte negative, mund të flitet për sëmundje të rënda, probleme seksuale, depresion dhe neurozë.

Pluton-Hënë
Shpirti, fantazia, krijimtaria, pasioni, qoftë tek mashkulli apo femra, preken thellësisht, në rast kur ka aspekte pozitive. Aspekti “përkrah” është i paqartë. Aspektet negative tregojnë çrregullime mendore, probleme me ushqimin dhe rrezik për gjirin femëror. Instikte të vdekjes dhe prirje për shkatërrim dhe vet-shkatërrim.

Pluton-Merkur
Aspektet harmonike shtojnë aftësinë mendore, pra inteligjencën, intuitën dhe racionalitetin. Aspekti “përkrah” sidomos nëse Plutoni është i veçanërisht i përforcuar, mund të rezultojë negativ. Aspektet negative sugjerojnë trauma të thella psiqike dhe çrregullime të sistemit nervor në përgjithësi.

Pluton-Venus
Aspekti “përkrah” mund të tregojë një pasion të madh dashurie, por edhe një difekt që shtohet dhe zvogëlohet në të njëjtën kohë. Kjo vlen edhe për aspektet negative, të cilat, përveç kësaj, tregojnë edhe shqetësime në fushën sentimentale ose probleme seksuale. Rrezik për organet femërore. Aspektet harmonike mund të tregojnë fillimin e një dashurie të madhe, krijimtari dhe erotizëm të kënaqshëm.

Pluton-Mars
Aspektet harmonike mund të zbusin agresivitetin e tepruar: individi mund të arrijë shpesh ta përdorë atë në sport. Duhen pasur frikë aspekti “përkrah” dhe tranzitet e tjera negative: duke pasur parasysh natyrën e të dy planetëve, efektet mund të jenë të dhunshme dhe mund të shkaktojnë prirje shkatërruese dhe vetë-shkatërruese. Tek meshkujt mund të lindin probleme me seksualitetin. Do të silleni si njeri i egër.

Pluton-Jupiter
Aspektet harmonike tregojnë se individi mund të pësojë një rritje (zhvillim) nga të gjitha pikëpamjet, edhe tek shëndeti, qoftë edhe me prirjen për t’u trashur (shëndoshur). Një sukses i madh ose një moment prestigji. Aspekti “përkrah” do të vlerësohet në bazë të elementëve të tjerë të temës. Aspektet negative sugjerojnë një rritje të pakontrolluar dhe të çrregullt (tumor, për shembull). Mburrje dhe ekzagjerime të çdo lloji. Rrezik në mëlçi.

Pluton-Saturn
Nëse të dy planetët janë të vendosur mirë në hartën e lindjes, aspekti “përkrah” mund të rezultojë pozitiv dhe të lehtësojë rëndesën saturniane. Aspektet harmonike kanë të njëjtin efekt dhe mund të tregohen të favorshëm në lidhje me kërkimet apo financat. Fitore përmes një sfide (prove). Aspektet negative dëmtojnë çështjet ekonomike, seksualitetin dhe kërcënojnë kockat. Periudhë e karakterizuar nga një provë e rëndësishme (sfidë e madhe).

Pluton-Uran
Mund të bëhet fjalë për një tranzit shpërthyes: si aspekti “përkrah” ashtu edhe aspektet negative mund të hedhin në erë situata nga më të ndryshme, ashtu siç mund t’i krijojnë individit probleme me nervozmin e tepruar si edhe shqetësime seksuale. Të reja që sjellin lajme dënimesh. Ndërsa, aspektet harmonike tregojnë iniciativa dhe hijeshi (magnetizëm). Një situatë e papritur e bën individin të thyejë inercinë e tij.

Pluton-Neptun
Aspekti “përkrah” mund të paraqitet tepër i fortë dhe të djegë personin në vorbullën e seksualitetit dhe pasionit; të njëjtin rrezik tregojnë edhe aspektet negative, ndër të tjera, mund të bëjnë personin të varet nga alkooli apo edhe droga. Gjëndje depresive. Aspektet pozitive nxisin një gjallëri të fortë dhe krijimtari. Rilindje shpirtërore.

Pluton-Pluton
Është e dukshme që, duke pasur parasysh ngadalësinë e planetit, aspektet e mundshme reduktohen në gjashtëkëndësh, trekëndësh dhe kuadrat. Aspektet harmonike e rizgjojnë planetin në mënyrë pozitive, ndërsa e kundërta do të ndodhë me aspektet negative. Duhet bërë vlerësimi në bazë të temës së lindjes.

 

Tranzitet e Plutonit në aspekt me pikat e shtëpive

Pluton-shtëpia e parë –shikoni Plutonin me Ashendentin

Pluton-shtëpia e dytë
Nëse aspektet janë harmonike tranziti mund të sjellë një ndryshim të madh pozitiv në lidhje me fitimet, pasurinë dhe të ardhurat e individit. Fitore e mundshme në lojë. Në të kundërt, aspektet negative, shkaktojnë humbje parash, shpenzime të detyruara dhe falimentim kapitali. Megjithatë, merret në konsideratë kur Plutoni ndodhet në këtë shtëpi.

Pluton-shtëpia e tretë
Telashe të mundshme që vijnë apo që lidhen me vëllezrit (e motrat), të afërm apo fqinj. Në aspektet negative nuk mund të përjashtohen rreziqet që përfshijnë komunikimin, fjalët, inteligjencën dhe duart. Ndërsa, aspektet pozitive mund të shkaktojnë ndryshime që lidhen me lajmet, udhëtimet dhe zbulimet e rëndësishme për individin në fjalë.

Pluton-shtëpia e katërt
Me aspektet negative është ambienti familjar ai që do të tronditet; raporte të tensionuara me të afërmit apo me prindërit; ose individi gjen forcën të largohet nga shtëpia. Nuk përjashtohen edhe aksidentet (incidentet) në shtëpi. Nëse aspektet përfshijnë edhe shtëpinë e dytë, mund të tregojnë edhe një huamarrës për blerjen e shtëpisë. Në rast aspektesh harmonike mund të flitet edhe për fitime të mëdha lidhur me familjen ose që rrjedhin nga punët e bëra në shtëpi. Blerje e një shtëpie të re.

Pluton-shtëpia e pestë
Rrumujë e madhe në fushën e dashurisë, për mirë ose për keq. Pasion erotik që dëmton personin. Me aspekte negative individi mund ta përjetojë seksualitetin në mënyrë imorale. Rrezik ndaj fëmijëve të mundshëm. Aspektet harmonike nxisin shumë krijimtarinë dhe favorizojnë fitimet e arritura pa shumë përpjekje, për shembull një hobi.

Pluton-shtëpia e gjashtë
Në ambientin e punës apo në jetën e përditshme të individit mund të vijnë trazira në një sens jo domosdoshmërisht negativ. Ndërsa, nëse ka aspekte negative, është e mundur që në të njëjtin sektor individi të përballet me periudha negative. E njëjta gjë mund të thuhet edhe në lidhje me shëndetin. Aspektet harmonike mund të përmirësojnë shëndetin dhe punën.

Pluton-shtëpia e shtatë
Tranziti mund të paralajmërojë fundin e një martese që ekziston tashmë ose një ndryshim në jetën e individit të shkaktuar nga martesa. Kjo domethënie mund t’i referohet edhe mbledhjeve apo shoqatave të punës. Fitore nënjë problem ligjor. Aspektet negative mund të sugjerojnë rreziqe që lidhen me bashkëshortin apo me një ortak (partner).

Pluton-shtëpia e tetë
Tranzit jashtëzakonisht i rrezikshëm në rastin e aspekteve negative. Fushat e prekura mund të dallohen duke llogaritur shenjën dhe elementet në lojë. Në rastin e aspekteve pozitive mund të flitet për një rilindje shpirtërore ose për një pasurim të konsiderueshëm të individit. Trashëgimi ( të ardhura )të rëndësishme ose fitore në ndonjë lojë.

Pluton-shtëpia e nëntë
Një udhëtim i gjatë ndryshon jetën e individit ose një ngjarje e papritur e detyron atë të niset pa pasur deshirë. Mund të tregojë edhe një konvertim fetar ose një ndryshim të idealeve politike; ose një shqetësim i shkaktuar nga diçka që vjen nga larg. Ndryshimet,natyrisht, sjellin lumturi në rastin e aspekteve pozitive.

Pluton-shtëpia e dhjetë – shikoni Plutonin me Mesqiellorin

Pluton-shtëpia e njëmbëdhjetë
Kur ndodh ky tranzit jeta mund të shënohet nga ndryshime të mëdha në lidhje me miqësitë e personit në fjalë. Nuk përjashtohet rasti që një miqësi të kthehet në një pasion përvëlues. Me aspektet negative, natyrisht, ndryshimi nuk do të jetë pozitiv (mund të tregojë prishjen e një miqësie të rëndësishme), ndërsa, përkundrazi, në rastin e aspekteve pozitive. Ngjarje të rëndësishme edhe në fushën e biznesit. Realizim i një projekti madhor, ose njohje me një person të rëndësishëm që mund të ndihmojë shumë individin në fjalë.

Pluton-shtëpia e dymbëdhjetë
Siç e dimë, thuhet se kjo është shtëpia e armiqve. Pra, tranziti i Plutonit, brenda saj, është burim telashesh (problemesh), sëmundjesh dhe fatkeqësish. Individi mund ta shkatërrojë jetën e tij duke u përfshirë në punë të fshehta. Aspektet harmonike sugjerojnë studime dhe kërkime me karakter magjik dhe ezoterik.






Add comment to this page:
Your Name:
Your Email address:
Your message:
 
  POZICIONI AKTUAL PLANETAR

HËNA SONTE:




 
Facebook 'Like' Button  
   
Advertisement  
   
=> Do you also want a homepage for free? Then click here! <=