Përkthyes, redaktor dhe studiues i antikitetit, Nikolas Herceku është me origjinë nga fshati Korthpulë i krahinës Pukë-Mirditë.

Shkollën 8-vjeçare e kryen në vendlindje, ndërsa të mesmen tre vjet në Shkodër dhe një në Tiranë.

Pasi përfundon Fakultetin e Gjuhëve të Huaja në Universitetin e Tiranës, punon për shumë vite si mësues i gjuhës frënge në Durrës. Në qershor të vitit 2023 kryen gjithashtu Shkollën e Drejtorëve në Universitetin “Aleksandër Moisiu”, Durrës.

I apasionuar pas studimeve klasike, ka përkthyer nga gjuhë të ndryshme shumë artikuj dhe dokumentare në lidhje me astrologjinë, paganizmin, mitologjinë, etimologjinë, antikitetin greko-romak, ilir, etj. Është gjithashtu autor i disa librave astro-mitologjikë dhe i pari që ka përkthyer në gjuhën shqipe Hesiodin me veprat e tij "Teogonia" dhe "Punët dhe ditët", duke ndjekur drejtpërdrejt tekstin antik grek. Emri i tij përmendet edhe në libra të huaj si një astro-mitolog profesionist shqiptar.

Ka qenë mjaft aktiv në mediat vizive dhe facebook në tematikat e lartpërmendura dhe është një nga njohësit dhe kontribuesit më të mëdhenj shqiptar për lashtësinë.

Librat që ka shkruar dhe botuar deri tani:
1. "Horoskopi-Astrologjia" - viti 2002 (ribotuar në 2016)
2. "Astrologjia Moderne" (astro-mitologji) - viti 2014
3. "Horoskopi kinez, maja dhe kelt" - viti 2016.
4. "Shkëlqimi i Diellit" (poezi adoleshence) - 2018.
5."Sinastria" (astrologjia e lidhjeve dashurore) - 2017.
6. "Adhurimi i Diellit" (mitologji dhe fe pagane)- 2022.
7. HESIODI - "Teogonia & Punët dhe Ditët" (si përkthyes) - 2025.


Të gjithë librat e tij mund t'i blini online në këtë link www.lulu.com/spotlight/httpsastro-alpagetl/

Nikolas Herceku dhe gazetarja Anila Çela (News 24 tv) 
 

Libri "Adhurimi i Diellit" (mitologji dhe fe) - 707 faqe


Përkthimi i Hesiodit



Një sukses ndërkombtar