AstroN - Tempulli i Bakut

Tempulli i Bakut (ekuivalent i Dionisit) është një nga tempujt romakë më të mirëruajtur në botë.
I vendosur në Libanin modern (në veri të Beirut) në Luginën e Beqaa-s, qyteti antik Baalbek, i quajtur edhe Heliopolis ose Qyteti i Diellit, shënon kulmin e tij gjatë periudhës romake. Ndërtimet kolosale aty e bëjnë atë një nga faltoret më të famshme të botës romake dhe një model të një arkitekture Romake Perandorake. Nga shekulli I pr.e.s dhe për një periudhë prej dy shekujsh, Romakët ndërtuan tre tempuj gjigantë këtu: të Jupiterit, Bakut, dhe Venusit. Pranë kompleksit të Jupiterit (Zeusit) i cili u krijua për të qenë tempulli më i madh në Perandorinë Romake, ekziston një ndërtesë më vete që njihet si Tempulli i Bakut. Ky tempull është pak më i vogël se Tempulli i Jupiterit, por ky u bë një nga faltoret më të famshme të botës antike.
Baalbeku u helenizua pas pushtimeve të Aleksandrit të Madh në shekullin e 4 pr.e.s. Grekët e quajtën Baalbekun "Heliopolis" (qyteti i Diellit) - Tempulli u porosit nga Perandori Romak Antoninus Pius dhe u projektua nga një arkitekt i panjohur rreth 150 e.s. pasi kulti i Bakut ishte bërë popullor në perandori. Antoninus Pius kishte synuar që njerëzit e rajonit Baalbek të kishin respekt të madh për sundimin romak, kështu që ai ndërtoi dy kulla në skajin lindor të hyrjes së Tempujve për të krijuar një ndërtesë më të njohur me të cilën vendasit mund të lidheshin dhe ta njihnin. Struktura masive i ishte kushtuar perëndisë romake të verës, Bakut (i njohur edhe si Dionysus), por tradicionalisht referuar nga vizitorët neoklasik si "Tempulli i Diellit". Është struktura më e ruajtur në Baalbek dhe tempulli i zbukurur më bukur në botën romake. Periudha e ndërtimit konsiderohet midis viteve 150 dhe 250 pas Krishtit. Arsyeja pse është ruajtur aq mirë është se ka qenë një pjesë e Fortifikimeve Mesjetare të Baalbekut. Një seri tërmetesh ndër shekuj kanë dëmtuar më tej vendin, dhe nuk është ruajtur ose gërmuar deri në 1898 kur një ekspeditë gjermane filloi të rindërtojë rrënojat. Pastrime dhe riparime të gjera u realizuan nën mandatin francez dhe, më vonë, nga qeveria libaneze. Disa relieve figurative që përshkruajnë perënditë greke kanë mbijetuar, megjithëse në një gjendje mjaft të përkeqësuar. hyrja kryesore është zbukuruar me rrush dhe hardhi (që lidhen me Bakun), dhe disa prej gdhendjeve në tavan përfshijnë versione të ndryshme të imazhit të Bakut. Skulptura të tjera përfshijnë rituale, praktika, njerëz dhe krijesa, dhe zbukurimi i tempullit ka shërbyer si një model i rëndësishëm për arkitekturën neoklasike. Në vitin 1984, disa gërmadha të Baalbekut, përfshirë Tempullin e Bakut, u rregjistruan si një sit i trashëgimisë botërore. Tempulli tërheq njerëzit me dimensionet e tij mbresëlënëse, punimet e gdhendura me gurë dhe portën monumentale me figura dionisiane.

Ne Balbek, pranë tempujve janë gjetur gurë monolitik me peshë 800 ton (si ky ne foto) që janë jane mister me vete.