Tempulli i Artemisës, i njohur më vonë nga romakët si Tempulli i Dianës, ishte një nga shtatë mrekullitë e botës antike, i cili ndodhej në Efesus, qytet i lashtë grek (sot qyteti turk Selçuk). Artemisa greke, apo Diana romake ishte perëndesha e Hënës dhe e gjuetisë, e motra e Apollonit (perëndisë së Diellit).
Faltorja e parë në këtë vend daton që nga Epoka e Bronzit dhe i atribuohej Amazonave. Në shekullin VII pr.e.s, tempulli i vjetër u shkatërrua nga përmbytja. Rindërtimi i tempullit nisi rreth vitit 550 pr.e.s, nga një arkitekt nga Kreta, dhe u financua nga Kroesus (mbreti i Lidisë): projektit iu deshën 10 vjet për të përfunduar krejtësisht. Tempulli u shkatërrua sërish, pikërisht natën kur lindi Aleksandri i Madh, në vitin 365 pr.e.s. nga një akt i qëllimshëm kriminal, dhe u ndërtua përsëri, kësaj here si një mrekulli. Përfundimisht tempulli u shkatërrua nga të krishterët, si vepër pagane, në vitin 401.