Hypatia (lindur rreth viteve 350-370, vdekur në vitin 415 e.s) ishte një filozofe heleniste neoplatoniste, astronome, astrologe, politeiste dhe matematikane, e cila jetonte në Aleksandri, Egjipt, atëherë pjesë e Perandorisë Romake. Ajo ishte një mendimtare e shquar e shkollës neoplatonike në Aleksandri, ku jepte mësim filozofinë dhe astronominë. Ajo konsiderohet si matematikanja e parë femër, jeta e së cilës është regjistruar mjaft mirë. Hypatia ishte e njohur në jetën e saj si një mësuese e madhe dhe një këshilltare e mençur. Në mars të vitit 415 të e.s, një turmë të krishterësh nën udhëheqjen e një lektori të quajtur Pietro, sulmuan karrocën e Hypatisë ndërsa ajo po udhëtonte për në shtëpi. Ata e tërhoqën atë zvarrë në një ndërtesë të njohur si Kaisarion, një ish tempull pagan dhe qendër e kultit perandorak romak në Aleksandri që ishte konvertuar në një kishë të krishterë. Atje, turma e zhveshi Hypatinë lakuriq dhe e vrau atë me copa gurësh e tjegullash.
Me 8 mars, në Ditën Ndërkombëtare të Grave dhe Vajzave, bota përkujton edhe Hypatinë, gruan që u vra brutalisht nga fanatikët e krishterë.
HËNA SONTE: 
